Կրծքագեղձի պլաստիկ բարձրացում |Փոխեք ձեր տեսքը | HEG

Կրծքագեղձի
բարձրացում

Մենք կարող ենք փոխել

Ի՞նչ է կրծքագեղձի բարձրացումը

Համաչափ, ամուր ու գեղեցիկ կուրծքը երիտասարդ և գրավիչ կազմվածքի կարևոր բաղադրիչն է։ Հատկապես հղիությունից և ծննդաբերությունից հետո շատ կանանց մոտ  կուրծքը թուլանում և կախվում է, և անհրաժեշտություն է առաջանում դիմելու բարձրացնող կրծկալներ կրելուն, որոնք անհարմար և անառողջ են կրծքի համար։

Թուլացած, կախված կրծքերի դեպքում կրծքագեղձի բարձրացման վիրահատությունը (կամ մաստոպեքսիան) լավագույն լուծումն է: Դրա շնորհիվ կարող եք ունենալ ձիգ, գեղեցիկ և բարձրացված կրծքեր:

Կրծքագեղձի վիրահատության նպատակն է բարձրացնել կախված կրծքերը՝ հեռացնելով ավելորդ մաշկը: Սա օգնում է կրծքի ձևը վերականգնելուն և մարմնին էսթետիկորեն հավասարակշռված տեսք հաղորդելուն:

Այս վիրահատությունը չի մեծացնում կրծքի չափը։ Ցանկության դեպքում բժիշկը կարող է կրծքագեղձի մեծացում կատարել կրծքագեղձի բարձրացման հետ մեկտեղ:

Կրծքագեղձերի կախվածության առաջացման հիմնական պատճառները տարբեր են՝ հղիություն, կրծքով կերակրում, քաշի կտրուկ փոփոխություններ, տարիքային փոփոխություններ և այլ երևույթներ, որոնց դեպքում հյուսվածքները կորցնում են առաձգականությունը դա բացասական է ազդում  կնոջ ինքնավստահության և ինքնագնահատականի վրա: Թուլացած կուրծքը կարող է առաջացնել հուզական անհանգստություն և ընկճախտ (դեպրեսիա): Կրծքագեղձի բարձրացման վիրահատությունը հնարավորություն է տալիս վերականգնելու կրծքի ամրությունը, ավելի երիտասարդ տեսք ունենալու և ավելի ինքնավստահ զգալու:  Կրծքերի նորմալ կամ փոքր չափի դեպքում կարող է իրականացվել կրծքագեղձերի ձգում-մաստոպեքսիա:

Մաստոպեքսիան պլաստիկ վիրահատություն է։ Այն իրականացվում է կախված կրծքագեղձերի ձևափոխման և վեր ձգման նպատակով, ինչի արդյունքում դրանք առավել երիտասարդ և էսթետիկ տեսք են ստանում: Վիրահատության ընթացքում հեռացվում է կրծքերի հավելյալ մաշկը, երբեմն նաև կրծքագեղձի հավելյալ հյուսվածքը, և կրծքերը բարձրացվում են: Բացի դրանից, պտուկը և արեոլան նույնպես կարող են բարձրացվել և ձևափոխվել՝ ապահովելով առավել բնական արդյունք:



Հիվանդանոցային ռեժիմ

1 օր մեկ գիշեր

Վիրահատության տևողություն

1-2 ժամ

Անզգայացում

ընդհանուր

Գնացուցակ

Վճարումներն ընդունվում են ՀՀ դրամով

Ընթացակարգի տեսակները

Պտուկ-արեոլար կոմպլեքսի տեղափոխում

Պտուկ-արեոլար կոմպլեքսի տեղափոխում

Այս տեսակը հարմար է նրանց համար, ովքեր կրծքագեղձի փոքր շտկում են ցանկանում: Բացի այդ, այս ընթացակարգը չի ներառում մեծ կտրվածք: Վիրահատությունից հետո աննկատ սպի է առաջանում։ Այս մեթոդը պտուկ-արեոլար կոմպլեքսի տեղափոխումն է առավել բարձր դիրքի: Ավելի բարդ դեպքերում իրականացվում է ծավալուն միջամտություն, կամ կատարվում  է մաստոպեքսիայի համադրում մամոպլաստիկայի այլ տարբերակների հետ:

Ուղղահայաց բարձրացում

Ուղղահայաց բարձրացման դեպքում հեռացվում է ավելորդ մաշկը, և ձևավորվում կուրծքը: Կատարվում է երկու կտրվածք․ առաջինը մոտավորապես արեոլայի կողքին է, երկրորդը ուղղահայաց անցնում է արեոլայից մինչև կրծքի ծալքը: Այս մեթոդի առավելությունն այն է, որ սպիները թաքնված են, այսինքն՝ արդյունքը կատարյալ է՝ առանց վիրահատության տեսանելի հետևանքների։

Ուղղահայաց բարձրացում

T-աձև ձգում ​

T-աձև ձգում

Այս տեսակը լավագույն տարբերակն է զգալի անհամապատասխանություն ունեցող մարդու համար: Թուլացած հյուսվածքի հետ միասին հեռացվում է ավելորդ մաշկը: Վիրահատությունը ներառում է երեք կտրվածք՝ արեոլայի շուրջը, ուղղահայաց արեոլայից մինչև կրծքի ծալքը և կրծքի ծալքի երկայնքով: Ժամանակի ընթացքում սպիներն քիչ նկատելի են դառնում։ Բացի այդ, դրանք կարելի է թաքցնել ներքնազգեստի տակ:

Մեր աշխատանքները

Ի՞նչ ակնկալել

Բժիշկներ

Կարեն Դանիելյան

Պլաստիկ և Էսթետիկ վիրաբույժ

Սեթ Ղազարյան

Պլաստիկ և Էսթետիկ վիրաբույժ

Գագիկ Ստամբոլցյան

Պլաստիկ և Էսթետիկ վիրաբույժ

Արմեն Հովհաննիսյան

Պլաստիկ և Էսթետիկ վիրաբույժ

Նարեկ Հովհաննիսյան

Պլաստիկ և Էսթետիկ վիրաբույժ

Հաճախակի տրվող հարցեր

Կրծքի բարձրացնելուց հետո հնարավոր է չկրել, սակայն խորհուրդ է տրվում դա անել միայն կարճ ժամանակահատվածներով։ Եթե ​​կրծքագեղձի պտոզը խնդիր էր մինչ վիրահատությունը, ապա այս խնդրի կրկնության հավանականությունը մեծանում է: Բայց որքան կրծկալ եք կրում, այնքան նվազում է վաղաժամ պտոզի կամ կրծքի նորից կախվելու վտանգը:

Վիրաբուժական բոլոր միջամտությունների հետ կապված ռիսկեր կան․ դրանք ամբողջությամբ քննարկվում են հետվիրահատական ​​հանդիպումների ժամանակ:

Կրծքագեղձի բարձրացման պրոցեդուրաների հատուկ ռիսկերը կարող են ներառել կրծքագեղձի ասիմետրիա, անցանկալի սպիացում, կրծքագեղձի փոփոխություն և կրծքի կրկնակի կախվածություն:

Կրծքագեղձի բարձրացման վիրահատությունը կատարվում է ընդհանուր անզգայացմամբ․ դա նշանակում է, որ վիրահատության ընթացքում ցավ չի զգացվում։ Կարող է առկա լինել թեթև և ժամանակավոր ցավ մաստոպեքսիայից 1-2 օր հետո:

Դա կախված է աշխատանքից: Որպես կանոն, վիրահատված բուժառուն աշխատանքի է վերադառնում կրծքի բարձրացման վիրահատությունից 2-4 շաբաթ անց։

Կրծքագեղձի բարձրացման սպիներն ամբողջությամբ չեն անհետանում, սակայն ժամանակի ընթացքում զգալիորեն թուլանում են:

Այո՛, կրծքագեղձի բարձրացման արդյունքները սովորաբար մշտական ​​են: Այնուամենայնիվ, քաշի զգալի կորուստը և ապագա հղիությունը կարող են ազդել կրծքի ձևի վրա։

Scroll to Top