Կրծքագեղձի փոքրացում
Արտաքին տեսքի բարելավում,
կյանքի փոփոխություն
Ի՞նչ է կրծքագեղձի փոքրացումը
Կրծքագեղձի փոքրացումը, որը հայտնի է նաև որպես ռեդուկցիոն մամոպլաստիկա, կրծքից ավելորդ ճարպի, գեղձի հյուսվածքի և մաշկի հեռացման պրոցեդուրա է, որն ուղղված է կրծքի չափի՝ մարմնին առավել լավ համապատասխանելուն և չափից ավելի մեծ կրծքի հետ կապված անհանգստությունը (մակրոմաստիա) թեթևացնելուն:
Անհամաչափ մեծ կրծքերը կարող են պացիենտի մոտ առաջացնել ինչպես ֆիզիկական, այնպես էլ զգայական անհանգստություն: Մակրոմաստիայով հիվանդը կարող է զգալ ֆիզիկական անհանգստություն, որն առաջանում է կրծքի ծանրությունից:
Կրծքագեղձի փոքրացումը վիրաբուժական միջամտություն է։ Ցուցված է հիմնականում նրանց, ովքեր ունեն անհարմարություն պատճառող մեծ կուրծք և դրա հետևանքով տառապում են մեջքի և պարանոցի ցավերից, խախտված կեցվածքից, ուսերի և մեջքի մաշկի գրգռվածությունից, որն առաջանում է կրծքկալի մշտական հարումից։
Կրծքագեղձի փոքրացումը հաճախ կատարվում է բժշկական խնդիրների լուծման համար, սակայն մակրոմաստիայի ախտանիշներ չունեցող, բայց իրենց կրծքի չափից դժգոհ կանայք նույնպես կարող են ընտրել կրծքի փոքրացումը՝ որպես էսթետիկ պրոցեդուրա: Նրանք, ովքեր կոսմետիկ պատճառներով են ընտրում կրծքագեղձի փոքրացման վիրահատություն, պետք է իմանան հետևյալը.այս վիրահատությունը ցուցված է նրանց, ովքեր սեռահասուն են և ֆիզիկական անհարմարություն են զգում՝ պայմանավորված կրծքագեղձի մեծ չափերով։
Վիրահատությունը միաժամանակ լուծում է ֆիզիկական և հոգեբանական մի քանի խնդիրներ, որոնք են չափազանց մեծ կուրծքը, սեռական կաշկանդվածությունը, վատ կեցվածքը, մեջքի և պարանոցի ցավերը, ուսերի դեֆորմացիան, վնասված մաշկը, վարակները, հևոցը, հագուստի բարդ ընտրությունը, սպորտով զբաղվելիս և այլ ակտիվ գործողություններում առաջացող բարդությունները։
Չափազանց մեծ կուրծքը կարող է առողջական և զգայական խնդիրներ առաջացնել: Բացի հոգեբանական խնդիրներից, այն կարող է պատճառել նաև ֆիզիկական ցավ և անհանգստություն: Կրծքագեղձի ավելցուկային հյուսվածքի քաշը կարող է խաթարել ակտիվ ապրելակերպ վարելու ունակությունը: Հուզական անհանգստությունն ու ամաչելու զգացողությունը, որոնք հաճախ կապված են թուլացած մեծ կրծքերի հետ, կարող են նույնքան կարևոր խնդիր լինել, որքան ֆիզիկական անհանգստությունն ու ցավը:
Դուք կարող եք լինել կրծքագեղձի փոքրացման վիրահատության հավակնորդ, եթե առկա են հետևյալ պայմանները.
- Ֆիզիկապես առողջ ես։
- Անհանգստացնում է չափազանց մեծ կուրծքը։
- Կրծքի մեծությունը սահմանափակում է ֆիզիկական ակտիվությունը։
- Զգում ես մեջքի, պարանոցի և ուսի ցավեր, որոնք առաջացել են կրծքերի ծանրությունից։
- Կրծկալներ կրելը անհանգստություն է պատճառում։
- Առկա է մաշկի գրգռվածություն կրծքի ծալքի տակ։
Կրծքագեղձի փոքրացման վիրահատության երեք ընդհանուր մեթոդ կա՝ լիպոսակցիա, կրծքի ուղղահայաց և T-աձև փոքրացում:
Հիվանդանոցային ռեժիմ
1 օր, մեկ գիշեր
Վիրահատության տևողություն
2-3 ժամ
Անզգայացում
ընդհանուր
Գնացուցակ
Վճարումներն ընդունվում են ՀՀ դրամով
Ընթացակարգի տեսակները
Կրծքագեղձի լիպոսակցիան
Կրծքագեղձի լիպոսակցիան
Լիպոսակցիան կրծքագեղձի փոքրացման ավելի արագ և քիչ ինվազիվ պրոցեդուրա է, որն ապահովում է երկարատև արդյունքներ՝ նվազագույն սպիներով: Լիպոսակցիան ցանկալի տարբերակ է, եթե կրծքի չափի փոքր և չափավոր փոփոխությունների ցանկություն կա (կրծքի հյուսվածքները հիմնականում ճարպային հյուսվածքներ են), և եթե ունեք մաշկի լավ առաձգականություն: Լիպոսակցիայի դեպքում կրծքի ընդհանուր ձևը և ուրվագիծը, ներառյալ արեոլայի և խուլի դիրքը անփոփոխ են:
Կրծքագեղձի փոքրացում ուղղահայաց կտրվածքով
Այս մեթոդը պահանջում է երկու կտրվածք: Մեկը գտնվում է արեոլայի եզրին, իսկ մյուսը ձգվում է արեոլայի ստորին եզրից մինչև կրծքի տակ գտնվող ծալքը: Այս պրոցեդուրան ավելի շատ սպի է թողնում, քան լիպոսակցիան։ Այնուամենայնիվ, սպիները գտնվում են կրծքի տակ և սովորաբար թաքցվում են ներքնազգեստի կամ կրծքի բնական ծալքի տակ: Կրծքագեղձի փոքրացումը ուղղահայաց կտրվածքով իդեալական է նրանց համար, ովքեր պահանջում են կրծքի չափի չափավոր կրճատում, կամ նկատելի թուլություն ունեցողների համար, որ ցանկանում են կրծքի հյուսվածքի ավելի էական ձևափոխում և ձգում: Այս մեթոդը թույլ է տալիս հեռացնել ոչ միայն ճարպային, այլև գեղձային հյուսվածքը։ Կրծքագեղձը նեղացվում է, բարձրացվում և վերակառուցվում է այնպես, որ արեոլան և պտուկը բնական տեսք են ստանում:
Կրծքագեղձի փոքրացում ուղղահայաց կտրվածքով
Կրծքի T-աձև փոքրացում
Կրծքի T-աձև փոքրացում
Այս մեթոդով շրջանաձև կտրվածք է կատարվում խուլի շուրջը, այնուհետև հեռացվում են կրծքի և մաշկի ավելորդ հյուսվածքները: Անհրաժեշտության դեպքում պրոցեդուրայի ժամանակ կարելի է բարձրացնել խուլը, որն իրականացվում է՝ հաշվի առնելով անձի ֆիզիկական տեսքը։ Այս մեթոդը ներառում է կրծքագեղձի ստորին հատվածում շրջված T-աձեւ կտրվածք անելը: Այսպիսով, այս մեթոդը իդեալական է նրանց համար, ովքեր ունեն զգալի թուլացում կամ կրծքի չափի զգալի կրճատման կարիք: Այնուամենայնիվ, այս մեթոդը պահանջում է երկար վերականգնում։
Ինչ ակնկալել
Մինչ վիրահատությունը կատարվում է հիվանդի կրծքագեղձի ուլտրաձայնային հետազոտություն․ կրծքի չափը և այն, թե ինչ պետք է լինի, ուղղորդում են բժշկին այդ հետազոտության շնորհիվ։ Վիրահատությունից 10 օր առաջ պետք է դադարեցնել այնպիսի դեղամիջոցների օգտագործումը, ինչպիսին ասպիրինն է։ Շաքարային դիաբետով հիվանդները վիրահատությունից առաջ պետք է վերահսկեն շաքարը: Վիրահատությունից առաջ պետք է դադարեցնել նաև ծխելը։ Անհրաժեշտ է հրաժարվել ուտելուց և խմելուց վիրահատությունից 8 ժամ առաջ: Պարտադիր է բժշկին տեղեկացնել ընդունած ԲՈԼՈՐ դեղերի մասին: Նրանցից ոմանք կարող են մեծացնել վիրահատության ընթացքում խնդիրների առաջացման վտանգը: Բժիշկը ասում է, թե մինչև վիրահատությունը կա՞ արդյոք դրանցից որևէ մեկի դադարեցնելու անհրաժեշտություն, և որքան շուտ դա պիտի արվի: Անհրաժեշտ է նաև կազմակերպել, որ որևէ մեկը բուժառուին ուղեկցի տուն և նրա հետ մնա պրոցեդուրայից հետո առաջին գիշերը, եթե հիվանդանոցում մնալու անհրաժեշտություն չկա:
Կախված դեպքից՝ կրծքագեղձի փոքրացման վիրահատությունը կարող է կատարվել ամբուլատոր պայմաններում կամ կարելի է առնվազն մեկ գիշեր անցկացնել հիվանդանոցում: Ամեն դեպքում տրվում է ընդհանուր անզգայացում։
Կրծքագեղձի փոքրացման վիրահատությունը տևում է 2-5 ժամ, երբեմն՝ ավելի երկար:
Վիրաբույժը կարող է օգտագործել վիրաբուժական մի քանի մեթոդներից մեկը՝ կախված կրծքի ձևից և չափից, հեռացվող հյուսվածքների քանակից և այն հանգամանքից, թե ինչպիսի տեսք եք ցանկանում ունենալ վիրահատությունից հետո.
Լիպոսակցիա։ Փոքր կտրվածքներ են կատարվում մաշկի վրա, և բարակ խողովակի միջոցով արտածծվում է ճարպի ավելցուկը։ Այս տարբերակը լավագույնն է, եթե կրծքի հյուսվածքը հիմնականում ճարպային է, և առկա է լավ մաշկի առաձգականություն։
Ուղղահայաց Այս մեթոդը կիրառվում է կրծքագեղձի չափավոր փոքրացման և տեսանելի պտոզի դեպքում։ Վիրաբույժը կտրվածքներ են կատարվում խուլի շուրջը՝ մինչև կրծքի տակ գտնվող ծալքը, հեռացվում է ավելորդ հյուսվածքն ու ճարպը, ձևավորվում կուրծքը և այն վեր է բարձրացվում։
Շրջված T-աձև: Կտրվածքներ են արվում արեոլայի եզրին, արեոլայից մինչև կրծքի ծալքը և կրծքի տակի ծալքի երկայնքով: Այս տեսակի վիրահատությունը լավագույնն է մեծ կտրվածքների և այն մարդկանց համար, որոնք ունեն շատ կախված կամ թուլացած կրծքեր:
Հնարավոր է դրենաժի տեղադրում՝ ապաքինումն արագացնելու և կրծքագեղձում կուտակված արյունը դուրս մղելու համար, և վիրահատությունն ավարտվում է։ Հնարավոր է նաև, որ անհրաժեշտ լինի կրել վիրահատական կրծկալ:
Հարկավոր է հիվանդանոցում մնալ 1 գիշեր։ Դրենաժը հեռացնելուց և վիրակապությունից հետո հիվանդը դուրս է գրվում: Վիրահատությունից հետո 1-ին և 2-րդ շաբաթվա վերջում պետք է լինել բժշկի վերահսկողության տակ։ Հատուկ կրծկալի օգնությամբ հիվանդը 1 շաբաթ տանը մնալուց հետո կարող է վերադառնալ իր առօրյային։
Ինչպես գրեթե բոլոր վիրահատությունների դեպքում, մաշկի վրա կարող են սպիներ լինել։ Սպիի ձևն ու չափը կախված է վիրաբուժական տեխնիկայից:
Մեծ նշանակություն ունի բժշկի կողմից նշանակված հակաբիոտիկների և ցավազրկողների օգտագործումը վիրահատությունից հետո որոշված չափաբաժնով և ժամանակով։ Բացի այդ, կրծքավանդակի ցավը թեթևացնելու և կուրծքը ձևավորելու համար մեծ նշանակություն ունի սպորտային կրծկալ կրելը, որը ճնշում չի գործադրում կրծքի վրա և թույլ չի տալիս կրծքին ճոճվել։ Խորհուրդ է տրվում կրել 6 շաբաթ։ Վիրահատությունից հետո բժիշկը որոշում է վիրակապելու օրերը։
Ծանր բեռներ չի կարելի կրել մոտ 4 շաբաթ, պետք է խուսափել հրող-քաշող շարժումներից։ Թեթև վարժություններ կարելի է անել միայն առաջին ամսից հետո: Պետք է խուսափել նաև քաշ ավելացնելուց և շարժումներից, որոնք լարում են ձեռքի և կրծքավանդակի մկանները: Կրծքագեղձի կրճատման վիրահատությունից հետո կրծքագեղձի հյուսվածքը այտուցվում է, որը նվազում է մոտ 3-4 շաբաթվա ընթացքում, և մոտ 1 տարի է պահանջվում, որ կրծքերը ստանան իրենց իրական տեսքը: Հյուսվածքների և սպիների արագ ապաքինման համար պետք է դադարեցնել ծխելը և ալկոհոլի օգտագործումը առնվազն մեկ ամսով․ դրանք խաթարում են բջիջների վերականգնումը, նաև վիրահատական սպիի տեսանելիությունը:
Բժիշկներ
Հաճախակի տրվող հարցեր
Միջին հաշվով կրծքագեղձի փոքրացման վիրահատությունը կարող է տևել 2-4 ժամ: Վիրաբույժը կարող է ասել, թե որքան ժամանակ կպահանջվի կոնկրետ պրոցեդուրայից:
Պրոցեդուրայի ընթացքում անզգայացում իրականացվում է, բայց ցավ զգացվում է վիրահատությունից հետո երկու-երեք օր: Տրամադրվում են ցավազրկողներ, վիրաբույժը կարող է առաջարկել նաև փաթաթված սառույցի տոպրակներ կիրառել՝ ցավը և այտուցը թեթևացնելու համար: Եթե ցավը տևում է մի քանի օրից ավելի կամ դառնում է անտանելի, անհրաժեշտ է անմիջապես դիմել բժշկին:
Հիվանդներին սովորաբար տրվում է վիրահատական կրծկալ՝ վիրահատությունից հետո երկու շաբաթ՝ օրը 24 ժամ կրելու համար: Հետագա այցի ժամանակ բժիշկը ասում է՝ պետք է շարունակել վիրաբուժական կրծկալ կրելը, թե կարող եք լինել նաև աջակցող նմանատիպ այլ հագուստով, նաև այն, թե երբ կարելի է կրել սովորական կրծկալ։ Կրծքագեղձի փոքրացման վիրահատությունից հետո ընդհանուր առմամբ խորհուրդ է տրվում երեք ամիս խուսափել լարային կրծկալներից:
Կրծքագեղձի փոքրացման վիրահատությունը պետք է կատարվի միայն այն ժամանակ, երբ կուրծքը լիովին ձևավորված է: Դրանից հետո այն կարող են իրականացնել ցանկացած տարիքի կանայք։
Անշուշտ, կարելի է: Կրծքագեղձի հյուսվածքը և մաշկը հեռացվում են, իսկ խուլը և արեոլան բարձրացվում են ավելի բարձր դիրքի: Բարձրացնելը կրծքագեղձի կրճատման ընթացակարգի մի մասն է:
