Կրծքագեղձի կրճատում | Ռեդուկցիոն Մամոպլաստիկա | HEG

Կրծքագեղձի կրճատում

Արտաքին տեսքի բարելավում,
կյանքի փոփոխություն

Ի՞նչ է կրծքագեղձի կրճատումը

Կրծքագեղձի կրճատումը, որը հայտնի է նաև որպես ռեդուկցիոն մամոպլաստիկա, կրծքից ավելորդ ճարպի, գեղձի հյուսվածքի և մաշկի հեռացման պրոցեդուրա է, որն ուղղված է կրծքի չափի՝ մարմնին առավել լավ համապատասխանելուն և չափից ավելի մեծ կրծքի հետ կապված անհանգստությունը (մակրոմաստիա) թեթևացնելուն:

Անհամաչափ մեծ կրծքերը կարող են պացիենտի մոտ առաջացնել ինչպես ֆիզիկական, այնպես էլ զգայական անհանգստություն: Մակրոմաստիայով հիվանդը կարող է զգալ ֆիզիկական անհանգստություն, որն առաջանում է կրծքի ծանրությունից: 

Կրծքագեղձի կրճատումը վիրաբուժական միջամտություն է։ Ցուցված է հիմնականում նրանց, ովքեր ունեն անհարմարություն պատճառող մեծ կուրծք և դրա հետևանքով տառապում են մեջքի և պարանոցի ցավերից, խախտված կեցվածքից, ուսերի և մեջքի մաշկի գրգռվածությունից, որն առաջանում է կրծքկալի մշտական հարումից։ 

Կրծքագեղձի կրճատումը հաճախ կատարվում է բժշկական խնդիրների լուծման համար, սակայն մակրոմաստիայի ախտանիշներ չունեցող, բայց իրենց կրծքի չափից դժգոհ կանայք նույնպես  կարող են ընտրել կրծքի կրճատումը՝ որպես էսթետիկ պրոցեդուրա: Նրանք, ովքեր կոսմետիկ պատճառներով են ընտրում կրծքագեղձի կրճատման վիրահատություն, պետք է իմանան հետևյալը.այս վիրահատությունը ցուցված է նրանց, ովքեր սեռահասուն են և ֆիզիկական անհարմարություն են զգում՝ պայմանավորված կրծքագեղձի մեծ չափերով։

Վիրահատությունը միաժամանակ լուծում է ֆիզիկական և հոգեբանական մի քանի խնդիրներ, որոնք են չափազանց մեծ կուրծքը, սեռական կաշկանդվածությունը, վատ կեցվածքը, մեջքի և պարանոցի ցավերը, ուսերի դեֆորմացիան, վնասված մաշկը, վարակները, հևոցը, հագուստի բարդ ընտրությունը, սպորտով զբաղվելիս և այլ ակտիվ գործողություններում առաջացող բարդությունները։

Չափազանց մեծ կուրծքը կարող է առողջական և զգայական խնդիրներ առաջացնել: Բացի հոգեբանական խնդիրներից, այն կարող է պատճառել նաև ֆիզիկական ցավ և անհանգստություն: Կրծքագեղձի ավելցուկային հյուսվածքի քաշը կարող է խաթարել ակտիվ ապրելակերպ վարելու ունակությունը: Հուզական անհանգստությունն ու ամաչելու զգացողությունը, որոնք հաճախ կապված են թուլացած մեծ կրծքերի հետ, կարող են նույնքան կարևոր խնդիր լինել, որքան ֆիզիկական անհանգստությունն ու ցավը:

Դու կարող ես լինել կրծքագեղձի կրճատման վիրահատության հավակնորդ, եթե առկա են հետևյալ պայմանները.

  • Ֆիզիկապես առողջ ես։
  • Անհանգստացնում է չափազանց մեծ կուրծքը։ 
  • Կրծքի մեծությունը սահմանափակում է ֆիզիկական ակտիվությունը։
  • Զգում ես մեջքի, պարանոցի և ուսի ցավեր, որոնք առաջացել են կրծքերի ծանրությունից։
  • Կրծկալներ կրելը անհանգստություն է պատճառում։
  • Առկա է մաշկի գրգռվածություն կրծքի ծալքի տակ։

Կրծքագեղձի կրճատման վիրահատության երեք ընդհանուր մեթոդ կա՝ լիպոսակցիա, կրծքի ուղղահայաց և T-աձև կրճատում: 

Հիվանդանոցային ռեժիմ

1 օր, մեկ գիշեր

Վիրահատության տևողություն

2-3 ժամ

Անզգայացում

ընդհանուր

Ընթացակարգի տեսակները

Կրծքագեղձի լիպոսակցիան

Կրծքագեղձի լիպոսակցիան

Լիպոսակցիան կրծքագեղձի կրճատման ավելի արագ և քիչ ինվազիվ պրոցեդուրա է, որն ապահովում է երկարատև արդյունքներ՝ նվազագույն սպիներով: Լիպոսակցիան ցանկալի տարբերակ է, եթե կրծքի չափի փոքր և չափավոր փոփոխությունների ցանկություն կա (կրծքի հյուսվածքները հիմնականում ճարպային հյուսվածքներ են), և եթե ունեք մաշկի լավ առաձգականություն: Լիպոսակցիայի դեպքում կրծքի ընդհանուր ձևը և ուրվագիծը, ներառյալ արեոլայի և խուլի դիրքը անփոփոխ են:

Կրծքագեղձի կրճատում ուղղահայաց կտրվածքով

Այս մեթոդը  պահանջում է երկու կտրվածք: Մեկը գտնվում է արեոլայի եզրին, իսկ մյուսը ձգվում է արեոլայի ստորին եզրից մինչև կրծքի տակ գտնվող ծալքը: Այս պրոցեդուրան ավելի շատ սպի է թողնում, քան լիպոսակցիան։ Այնուամենայնիվ, սպիները գտնվում են կրծքի տակ և սովորաբար թաքցվում են ներքնազգեստի կամ կրծքի բնական ծալքի տակ: Կրծքագեղձի կրճատումը ուղղահայաց կտրվածքով իդեալական է նրանց համար, ովքեր պահանջում են կրծքի չափի  չափավոր կրճատում, կամ նկատելի թուլություն ունեցողների համար, որ ցանկանում են կրծքի հյուսվածքի ավելի էական ձևափոխում և ձգում: Այս մեթոդը թույլ է տալիս հեռացնել ոչ միայն ճարպային, այլև գեղձային հյուսվածքը։ Կրծքագեղձը նեղացվում է, բարձրացվում և վերակառուցվում է այնպես, որ արեոլան և պտուկը բնական տեսք են ստանում: 

Կրծքագեղձի կրճատում ուղղահայաց կտրվածքով

Կրծքի T-աձև կրճատում

Կրծքի T-աձև կրճատում

Այս մեթոդով շրջանաձև կտրվածք է կատարվում խուլի շուրջը, այնուհետև հեռացվում են կրծքի և մաշկի ավելորդ հյուսվածքները: Անհրաժեշտության դեպքում պրոցեդուրայի ժամանակ կարելի է բարձրացնել խուլը, որն իրականացվում է՝ հաշվի առնելով անձի ֆիզիկական տեսքը։ Այս  մեթոդը ներառում է կրծքագեղձի ստորին հատվածում շրջված T-աձեւ կտրվածք անելը: Այսպիսով, այս մեթոդը իդեալական է նրանց համար, ովքեր ունեն զգալի թուլացում կամ կրծքի չափի զգալի կրճատման կարիք: Այնուամենայնիվ, այս մեթոդը պահանջում է երկար վերականգնում։

Մեր աշխատանքները

Ինչ ակնկալել

Բժիշկներ

Կարեն Դանիելյան

Պլաստիկ և Էսթետիկ վիրաբույժ

Գագիկ Ստամբոլցյան

Պլաստիկ և Էսթետիկ վիրաբույժ

Արմեն Հովհաննիսյան

Պլաստիկ և Էսթետիկ վիրաբույժ

Նարեկ Հովհաննիսյան

Պլաստիկ և Էսթետիկ վիրաբույժ

Հաճախակի տրվող հարցեր

Միջին հաշվով կրծքագեղձի կրճատման վիրահատությունը կարող է տևել 2-4 ժամ: Վիրաբույժը կարող է ասել, թե որքան ժամանակ կպահանջվի կոնկրետ պրոցեդուրայից:

Պրոցեդուրայի ընթացքում անզգայացում իրականացվում է, բայց ցավ զգացվում է վիրահատությունից հետո երկու-երեք օր: Տրամադրվում են ցավազրկողներ, վիրաբույժը կարող է առաջարկել նաև      փաթաթված սառույցի տոպրակներ կիրառել՝ ցավը և այտուցը թեթևացնելու համար: Եթե ցավը տևում է մի քանի օրից ավելի կամ դառնում է անտանելի, անհրաժեշտ է անմիջապես դիմել բժշկին:

Հիվանդներին սովորաբար տրվում է վիրահատական ​​կրծկալ՝ վիրահատությունից հետո երկու շաբաթ՝ օրը 24 ժամ կրելու համար: Հետագա այցի ժամանակ բժիշկը ասում է՝ պետք է շարունակել վիրաբուժական կրծկալ կրելը, թե կարող եք լինել նաև աջակցող նմանատիպ այլ հագուստով, նաև այն, թե երբ  կարելի է կրել սովորական կրծկալ։ Կրծքագեղձի կրճատման վիրահատությունից հետո ընդհանուր առմամբ խորհուրդ է տրվում երեք ամիս խուսափել լարային կրծկալներից:

Կրծքագեղձի կրճատման վիրահատությունը պետք է կատարվի միայն այն ժամանակ, երբ կուրծքը լիովին ձևավորված է: Դրանից հետո այն կարող են իրականացնել ցանկացած տարիքի կանայք։

Անշուշտ, կարելի է: Կրծքագեղձի հյուսվածքը և մաշկը հեռացվում են, իսկ խուլը և արեոլան բարձրացվում են ավելի բարձր դիրքի: Բարձրացնելը կրծքագեղձի կրճատման ընթացակարգի մի մասն է:

Scroll to Top