Աբդոմինոպլաստիկայի դիմող բուժառուն նախնական խորհրդատվություն է ունենում պլաստիկ վիրաբույժի հետ: Այդ այցի ընթացքում տեղի է ունենում հետևյալը․

• Վիրաբույժը ծանոթանում է վիրահատության պատրաստվող բուժառուի բժշկական պատմությանը, նրա ընդունած դեղերին և նախորդ վիրահատություններին, նաև քննարկում ընթացիկ և անցյալ հիվանդությունների մասին: Անհրաժեշտ է տեղեկացնել բժշկին, եթե ալերգիկ եք դեղերի նկատմամբ: Եթե ​​աբդոմինոպլաստիկայի դիմելու ցանկությունը կապված է քաշի կորստի հետ, բժիշկը կարող է մանրամասն հարցեր տալ այն մասին, թե ինչպես եք այն ավելացրել կամ նիհարել:
• Խորհուրդ է տրվում կատարել ֆիզիկական հետազոտություն՝ բուժման լավագույն տարբերակները որոշելու համար։ Բժիշկը ուսումնասիրում է որովայնը, կարող է նաև լուսանկարել այն բժշկական արձանագրության համար:
• Քննարկվում են պացիենտի ակնկալիքները. կարևոր է հասկանալ՝ ինչու ես ուզում որովայնի պլաստիկա անել և արտաքին տեսքի առումով ինչ արդյունքների ես ակնկալում հասնել պրոցեդուրայից հետո: Բուժառուն պիտի համոզված լինի, որ հասկանում է վիրահատական այս միջամտության առավելություններն ու ռիսկերը, ներառյալ սպիները: Պետք է հիշել, որ նախկինում որովայնի վիրահատություն արած լինելու դեպքում արդյունքները կարող են սահմանափակ լինել:

Նախքան որովայնի պլաստիկա կատարելը կարող է անհրաժեշտ լինել նաև.

• Խուսափել որոշ դեղամիջոցներից․ Հավանաբար անհրաժեշտ կլինի խուսափել ասպիրինից, հակաբորբոքային դեղամիջոցներից և բուսական հավելումներից, որոնք կարող են մեծացնել արյունահոսությունը:
• Պահպանել կայուն քաշը․ Անհրաժեշտ է կայուն քաշ պահպանել առնվազն 12 ամիս մինչև որովայնի պլաստիկա կատարելը: Խիստ ավել քաշի առկայության դեպքում բժիշկը կարող է խորհուրդ տալ նիհարել նախքան պրոցեդուրան: Գործընթացից հետո քաշի զգալի կորուստը կարող է նվազեցնել արդյունքները:
• Նախապես կազմակերպել օգնություն վերականգնման ժամանակ.     Կարևոր է ծրագրել, որ ինչ-որ մեկը բուժառուին տուն տանի հիվանդանոցից դուրս գալուց հետո և խնամի ապաքինման առնվազն առաջին գիշերը:

Աբդոմինոպլաստիկան սովորաբար կատարվում է հիվանդանոցում կամ բժշկական կենտրոնում։  Պրոցեդուրայի ընթացքում տրվում է ընդհանուր անզգայացում, որի շնորհիվ ցավ չի զգացվում: Որոշ դեպքերում կարող է տրվել ցավազրկող և հանգստացնող դեղամիջոցներ: 

Պրոցեդուրայի ընթացքում բուժառուին տրվում է անզգայացում՝ հարմարավետություն ապահովելու համար, դա կարող է լինել ընդհանուր կամ տեղային անզգայացում։ Վիրաբույժը կտրվածք է կատարում որովայնի ստորին հատվածում, սովորաբար ազդրից մինչև ազդր, բիկինիից անմիջապես վերև: Այնուհետև վիրաբույժը առանձնցնում է մաշկը և ճարպը հիմքում ընկած մկաններից: Որովայնի մկաններն ձգվում են՝ իրար ամրացնելով, ինչն ստեղծում է ավելի հարթ և տոնավորված որովայն ։ 

Ավելորդ մաշկը և ճարպը հեռացվում են, իսկ մնացած մաշկը ձգվում է նախքան կտրվածքը փակելը: Ավելորդ հեղուկը հեռացնելու համար տեղադրվում է դրենաժային խողովակներ, իսկ որովայնի վրա սեղմող վիրակապ ՝ այտուցը նվազեցնելու և ապաքինումն արագացնելու համար: Վերականգնման ժամանակը կարող է տարբեր լինել, բայց բուժառուների մեծ մասը կարող է վերադառնալ աշխատանքի երկու-երեք շաբաթից,իսկ բնականոն գործունեությունը կարող են վերսկսել չորսից վեց շաբաթից:

Որովայնի ձգման վիրահատությունից հետո վիրահատական ​​վիրակապերը տեղադրվում են որովայնի կտրվածքի և պորտի տեղում: Փոքր դրենաժային խողովակներ կարող են տեղադրվել կտրվածքի երկայնքով՝ ավելորդ արյան կամ հեղուկի արտահոսքը ապահովելու համար:

Բժշկական թիմը օգնում է ոտքի կանգնելու վիրահատությունից հետո առաջին օրը՝ կանխելու արյան մակարդումը: Ցավերի դեպքում բուժառուին ցավազրկող դեղեր են տրամադրում: Վիրահատված հատվածում այտուցի առաջացումը նորմալ է:

Դրենաժային խողովակները կարող են տեղում մնալ վիրահատությունից հետո մի քանի օր, բժիշկը       ցույց կտա, թե ինչպես դատարկել և խնամել դրանք: Հնարավոր է, որ անհրաժեշտ լինի շարունակել հակաբիոտիկի ընդունումը մինչև խողովակների հեռացումը:

Նման վիրահատությունից հետո վերականգնումը կարող է տևել մոտ 6 շաբաթ։ Վիրահատությունից հետո պետք է կրել կոմպրեսիոն հատուկ հագուստ՝ մաշկի ապաքինումը խթանելու, այտուցը վերացնելու, հնարավոր ռիսկերը նվազեցնելու համար: Վիրաբույժը կարող է խորհուրդ տալ կրել կոմպրեսիոն հագուստ վիրահատությունից հետո առնվազն 3 ամիս:

Որովայնի ձգումից հետո առաջին վեց շաբաթվա ընթացքում պետք է շատ զգույշ լինել շարժվելիս, պետք է խուսափեք վերքը լարող կեցվածքներից, օրինակ՝ արագ կռանալուց՝ վերքի բացումը կանխելու համար: