Նախքան վիրահատությունը տրվում են մի շարք ցուցումներ, որոնց պետք է հետևել: Դրանք կարող են տարբերվել՝ կախված ընթացակարգի տեսակից, բայց դրանց պետք է անպայման հետևել:

Դրանք կարող են ներառել հետևյալը.

• Չպետք է ալկոհոլ օգտագործել վիրահատությունից երեք օր, ցանկալի է մեկ շաբաթ առաջ:
• Վիրահատությունից առաջ չի կարելի մազերը կտրել։ Կարևոր է թույլ տալ, որ դոնորային տարածքը մեծանա, որպեսզի փոխպատվաստման համար բավական լինի: 
• Բժիշկը կարող է խնդրել արյան անալիզ հանձնել:
• Վիրահատությունից երկու շաբաթ առաջ պետք է խուսափել հակադեպրեսանտներ և արյունը նոսրացնող դեղեր ընդունելուց: Վիրաբույժը նախօրոք տրամադրում է թույլատրելի և անթույլատրելի դեղերի ցանկը:

Պետք է խուսափել ասպիրինից, հակաբորբոքային դեղերից և բուսական հավելումներից, որոնք կարող են մեծացնել արյունահոսությունը:

1. FUT (follicular unit transplantation) — գրաֆթերը ձևավորվում են ծոծրակային հատվածի մաշկի լաթից: Բժիշկը, հաշվի առնելով մաշկի առաձգականությունը և մազերի խտությունը, որոշում է, թե որ հատվածը կարող է դոնոր լինել: Այդ հատվածից վերցնում են մաշկալաթը:  Օպտիկական խոշորացման ներքո  վերցված լաթը բաժանվում է միկրոգրաֆթերի և մինիգրաֆթերի, որոնք պարունակում են 1-4 մազարմատ: Գործողությունը աշխատատար է, պահանջում է բժշկական անձնակազմի հատուկ պատրաստվածություն և յուրահատուկ սարքավորումներ: Գրաֆտերի  ձևավորման հենց այս եղանակն է նուրբ և նվազագույնի է հասցնում մազարմատների  վնասման հավանականությունը: Դոնոր վերքը կարվում է 2 շերտով` կոսմետիկ կարով, իսկ առաջացած սպին անտեսանելի է նույնիսկ կարճ սանրվածքի դեպքում:
   
   2. FUE (follicular unit extraction) — հատուկ սարքի միջոցով, առանց մաշկը կտրելու դոնոր մազարմատները (գրաֆթերը) վերցվում են մեկը մյուսի հետևից: Այս եղանակով նախատեսվում է սափրել կամ շատ կարճ կտրել ծոծրակային (դոնոր) շրջանի մազերը, ինչը չի պահանջվում  FUT եղանակի պարագայում: Փոքր վնասվածքները, որոնք առաջանում են գրաֆթերը վերցնելիս, վերականգնվում են  մեկ շաբաթվա ընթացքում:
   
   II փուլ. Ռեցիպիենտ հատվածի անզգայացումից հետո ձևավորվում են անհրաժեշտ խտությամբ և ուղղությամբ անցքեր՝ գրաֆթերը տեղադրելու համար: Այս գործողությունը կատարվում է հատուկ  ատրավմատիկ ասեղներով, ինչը  խնայում է հյուսվածքները՝ կրճատելով վերքերի լավացման տևողությունը և ապահովելով տեղափոխված մազերի առավելագույն խտություն:
   
   III փուլ. Գրաֆթերի տեղադրումը (տրանսպլանտացիան) իրականացվում է հատուկ միկրովիրաբուժական պինցետներով և օպտիկական խոշորացմամբ: Գրաֆթերը տեղադրվում են համապատասխան խորությամբ՝ հաշվի առնելով բնական մազերի աճի ուղղությունը:
   Այսօր իրականացվող մեկ պրոցեդուրայի ընթացքում  հնարավոր է փոխպատվաստել միչև 4000 միկրո կամ մինի գրաֆթ, որոնցից յուրաքանչյուրը պարունակում է 1-4 մազարմատ, ինչն էլ տրանսպլանտացիայից հետո ապահովում է բնական տեսք՝ առավելագույն խտությամբ: Մազերի տրանսպլանտացիան մեր կլինիկայում իրականացվում է հարմարավետ պայմաններում՝ ամբուլատոր կարգով: Գործողությունը կատարվում է տեղային անզգայացմամբ, իսկ տևողությունը, կախված փոխպատվաստվող գրաֆթերի քանակից, կազմում է 2-8 ժամ: Այցելուն ցավ չի զգում, կարող է դիտել հեռուստացույց կամ լսել երաժշտություն: Վերջնական արդյունքը կարելի  է գնահատել վեց ամսից հետո: 

 Վիրահատությունից հետո գլխամաշկը կարող է շատ նուրբ լինել: Կարող է անհրաժեշտ լինել մի քանի օր ցավազրկողներ ընդունել: Վիրաբույժը վիրակապում է գլուխը առնվազն մեկ կամ երկու օր: Կարող է նշանակվել հակաբիոտիկ կամ հակաբորբոքային դեղամիջոց՝ մի քանի օր ընդունելու համար: Հետվիրահատական 3-րդ օրը կարելի է լվանալ մազերը։ Բուժառուների մեծամասնությունը կարողանում է աշխատանքի վերադառնալ վիրահատությունից 2-5 օր հետո: 

Վիրահատությունից հետո 2-3 շաբաթվա ընթացքում փոխպատվաստված մազերը թափվում են, բայց նոր մազերի աճը նկատելի է մի քանի ամսվա ընթացքում: Մարդկանց մեծամասնությունը 6-9 ամիս հետո տեսնում է նոր մազերի աճի 60%-ը, որը շարունակվում է ողջ կյանքի ընթացքում: