HEG-ի պլաստիկ վիրաբույժը ստուգում է բուժառուի ֆիզիկական առողջությունը և խոսում ընթացակարգի, ռիսկերի և      առավելությունների մասին: Գրանցվում են  նրա բժշկական, սոցիալական և դեղորայքի պատմությունները: Բացի այդ, ուսումնասիրվում են դեմքի ձևը, ոսկրային կառուցվածքը, ճարպի բաշխումը և մաշկի վիճակը՝ դեմքի ձգման վիրահատության պլան մշակելու համար: Կատարվում է նաև դեմքի մի քանի լուսանկար տարբեր կողմերից, և հետագա համեմատությունների համար դրանք ավելացվում են բժշկական արձանագրության մեջ:

Արդյունքները բարելավելու և բարդությունների ռիսկը նվազեցնելու համար անհրաժեշտ է հետևել որոակի ցուցումների.

Պետք է լրացնել լաբորատոր անհրաժեշտ թեստերը։

Խուսափեք արյունը նոսրացնող կամ այլ դեղամիջոցներ ընդունելուց, որոնք մեծացնում են արյունահոսության վտանգը վիրահատության ընթացքում և դրանից հետո։

Վիրահատության նախորդ գիշերը արգելվում է որևէ բան ուտել և խմել։ Եթե ​​վիրահատությունը կատարվում է ամբուլատոր հիմունքներով, ցանկալի է՝ ինչ-որ մեկն ուղեկցի բուժառուին վիրահատության օրը։ 

Գործընթացները սովորաբար տևում են 1-3 ժամ: Վիրահատական ավելի բարդ և երկարատև միջամտությունները կարող են ավելի երկար տևել:

Դեմքի ձգման պրոցեդուրաներից շատերի դեպքում միայն տեղային անզգայացում է անհրաժեշտ: Այն կարելի է ընդունել հանգստացնող միջոցների հետ՝ ցավի ազդեցությունը թուլացնելու համար: Վիրահատվողների մեծամասնությանը պահանջվում է ընդհանուր անզգայացում՝ դեմքի ամբողջական ձգման համար: Կտրվածքները սովորաբար արվում են ականջների հետևում և առջևում՝ խնամքով մշակված՝ նվազագույնի հասցնելու և թաքցնելու սպիները: 

Այնտեղից HEG արհեստավարժ վիրաբույժը հասնում է դեմքի ավելի խոր շերտերին, որոնք վերադիրքավորվում և ձգվում են։ Կախված պրոցեդուրայից՝ կարող է իրականացվել մկանների ձգում և պարանոցի լիպոսակցիա՝ արդյունքը բարելավելու նմատակով։

Կախված պրոցեդուրայից՝ կարող է անհրաժեշտություն առաջանալ գիշերը հիվանդանոցում մնալու: Դեմքի ձգման որոշ վիրահատություններ չեն պահանջում այդքան խնամք և հիվանդանոցում մնալու անհրաժեշտություն․ դա մանրամասն քննարկվում է առաջին խորհրդակցության ժամանակ:

Սովորաբար դեմքի ծերացման վիրահատությունից հետո կարող են առաջ գալ կապտուկներ և այտուցներ: Դա կարող է տևել 2 շաբաթ կամ ավելի երկար՝ կախված մարմնի առանձնահատկություններից: Փորձե՛ք սնվել փափուկ սնունդով առաջին շաբաթվա ընթացքում․ դա սահմանափակում է ծնոտի ու դեմքի շարժումները և նպաստում ապաքինման ընթացքին: Առաջին շաբաթվա ընթացքում խուսափե՛ք դեմքի ավելորդ շարժումներից՝ ներառյալ ժպտալը, խոսելը, հորանջելը և ծամելը: Սահմանափակե՛ք գլխի և պարանոցի շարժումները վիրահատությունից հետո, մի որոշ ժամանակ պտտի՛ր պարանոցդ և ուսերդ միաժամանակ՝ կախված վիրաբույժի ցուցումներից: Քնած ժամանակ  պետք է գլուխը բարձր պահել: Կիրառե՛ք սառը կոմպրեսներ դեմքիդ, ինչպես ցուցում է վիրաբույժը: Օգտագործե՛ք արևապաշտպան քսուք վիրաբույժի խորհրդով:

Առնվազն 1 ամիս չի կարելի կռանալ և բարձրացնել ծանր առարկաներ: Առնվազն 4 շաբաթ խուսափել ֆիզիկական ծանր աշխատանքներից:     

Դեմքի փափուկ հյուսվածքները բարձրացվում են՝ տալով նրանց ավելի ամուր և երիտասարդ տեսք։ Այնուամենայնիվ, ծերացման գործընթացը չի դադարում վիրահատությունից հետո, այնպես որ «նոր» տեսքը կարելի է պահպանել էսթետիկ և հակատարիքային պրոցեդուրաների միջոցով: