HEG-ի բարձրակարգ վիրաբույժի հետ խորհրդատվության ընթացքում վերցնում են որոշ թեստեր (արյան թեստեր, ռենտգեն հետազոտություն), ուսումնասիրում առողջական պատմությունը՝ պարզելու տվյալ դեպքում այս վիրահատության անհրաժեշտությունը կամ կարևորությունը:

Վիրաբույժը կատարում է կրծքագեղձի մանրամասն հետազոտություն և որոշ լուսանկարներ (վիրահատվողի թույլտվությամբ)՝ ծրագրելու վիրահատությունը և հետագա համեմատությունները: Հնարավոր է, որ վիրահատությունից առաջ անհրաժեշտ լինի կատարել մամոգրաֆիա: Անհրաժեշտ է տեղեկացնել բժշկին ընդունած դեղերի մասին: Կարող է պահանջվել դադարեցնել օգտագործումը որոշ դեղամիջոցների, ինչպիսիք են ասպիրինը, իբուպրոֆենը և որոշ բուսական հավելումներ, որոնք մեծացնում են արյունահոսության ռիսկը: Դեղորայքային ալերգիայի առկայության դեպքում պետք է տեղեկացնել բժշկին: Վիրահատությունից առաջ վիրաբույժը ուտելու և խմելու ցուցումներ է տալիս: Վիրահատությունից հետո պետք է վիրահատված բուժառուին տուն ուղեկցող մեկը:

Կրծքագեղձերի միջև առավելագույն համաչափության հասնելու համար նախավիրահատական ​​ վերջնական հետազոտության ժամանակ մանրամասն և ճշգրիտ գծագրվում են հիվանդի կրծքերը։ Վիրաբույժի համար նկարն ինքնին կարևոր ուղղորդող գործոն է վիրահատության ընթացքում և բավականին մեծ քայլ է վիրահատության վերջնական հաջողության համար: 

Ընդհանուր անզգայացմամբ այս վիրահատությունը տևում է 2,5-3 ժամ: Մաստէկտոմիայի և կրծքագեղձի իմպլանտով վերականգնման նորագույն մեթոդները որոշ պացիենտների մոտ ներառում են կրծքագեղձի մաշկի ամբողջական առանձնացում՝ ներառյալ արեոլայի շրջանը, ինչպես նաև կրծքագեղձի անմիջական վերականգնում մեկ կամ երկու փուլերով՝ կախված կրծքի չափերից։ Փոքր կրծքի դեպքում մշտական սիլիկոնե իմպլանտը կարող է տեղադրվել անմիջապես մաստեկտոմիայի ժամանակ։ Մեծ կրծքագեղձի դեպքում վերականգնումը կատարվում է երկու փուլով։ Սկզբում տեղադրվում է մաշկալայնիչ (էքսպանդեր), որը մի քանի ամիս անց փոխարինվում է սիլիկոնե մշտական իմպլանտով։ Նրանք, ովքեր պիտի անցնեն հետվիրահատական քիմիաթերապիա կամ ճառագայթային թերապիա, լայնիչները սիլիկոնե իմպլանտով փոխարինելու փուլը հետաձգվում է մինչև 6 ամիս։ Շատ կարևոր է, որ մաստէկտոմիայի և վերականգնման ժամանակ ուռուցքաբանն ու պլաստիկ վիրաբույժը համագործակցեն։

Նրանք, ովքեր ենթարկվել են ռադիկալ մաստեկտոմիա վիրահատության, առանց կրծքագեղձի վերականգնման կարող են կատարել կրծքագեղձի հետաձգված վերականգնում սեփական մաշկային հյուսվածքների և սիլիկոնե իմպլանտի կիրառմամբ։ Ռադիկալ մաստեկտոմիայի հետևանքով առաջանում է կրծքավանդակի առաջնային պատի անհրաժեշտ ծավալի մաշկի բացակայություն, ուստի կրծքագեղձի ձևավորման համար իրանի հատվածից հավելյալ մաշկ և մկան է բերվում առաջ։ Կրծքագեղձին ծավալ հաղորդելու համար սիլիկոնե իմպլանտը տեղադրվում է մաշկամկանի պատվաստման ժամանակ։ Այս միջամտությունը հայտնի է որպես լաթիսիմուս՝ (latissimus) լաթի վերականգնում, որտեղ լաթիսիմուսը մեջքից առաջ բերված մկանն է։

Եթե մաստէկտոմիայի ժամանակ հեռացվում է արեոլան, ապա այն կարող է վերականգնվել կրծքագեղձի վերականգնումից 6 ամիս անց։ Այս միջամտությունը կատարվում է հետևյալ կերպ․ սկզբում պացիենտի մաշկային հյուսվածքի միջոցով վերականգնվում է պտուկը, իսկ մի քանի ամիս անց կատարվում է արեոլայի դաջվածք։

Կրծքագեղձի վերականգնումից հետո վերականգնողական շրջանը կարող է տարբեր լինել՝ կախված վիրահատության կոնկրետ տեսակից, ինչպես նաև անհատական ​​գործոններից, ինչպիսիք են տարիքը, ընդհանուր առողջական վիջակը և այլ բժշկական պայմանների առկայությունը: Այնուամենայնիվ, կրծքագեղձի վերականգնումը կարող է տևել մի քանի շաբաթ կամ ամիս:

Առաջին վերականգնման ժամանակահատվածում բուժառուն կարող է զգալ անհանգստություն կամ ցավ վիրահատության վայրում, ինչպես նաև այտուց և կապտուկ: Այս ախտանիշները կառավարելու համար կարող են նշանակվել ցավազրկող և հակաբորբոքային դեղամիջոցներ:

Վիրահատությունից հետո առաջին մի քանի շաբաթվա ընթացքում կարևոր է խուսափել ինտենսիվ ակտիվությունից և ծանրաբեռնվածությունից: Բուժառուներին կարող է անհրաժեշտ լինել բացակայել աշխատանքից կամ սահմանափակել իրենց գործունեությունը վերականգնման ընթացքում:

Վերականգնման առաջին շրջանից հետո բուժառուին կարող է անհրաժեշտ լինել հաճախել վիրակապությունների՝ վերահսկելու նրանց ապաքինումն ու առաջընթացը: Որոշ դեպքերում կարող է առաջարկվել ֆիզիոթերապիա ՝ օգնելու հիվանդներին վերականգնել ուժն ու շարժունակությունը վիրահատած տարածքում:

Ընդհանուր առմամբ, կրծքագեղձի վերականգնումից հետո վերականգնողական շրջանը կարող է դժվար լինել, բայց HEG-ի մասնագետների կողմից ճիշտ խնամքի և աջակցության դեպքում բուժառուն կարող է հասնել լիարժեք ապաքինման: