Նախքան վիրահատությունը իրականացվում է հետազոտություն՝ որոշելու, թե կոնկրետ դեպքում կարելի է արդյոք այս տեսակի վիրահատություն, թե ոչ: HEG վիրաբույժը ծանոթանում է բժշկական պատմությունը՝ առողջական վիճակը ստուգելու նպատակով։ Հնարավոր է, որ անհրաժեշտ լինի վիրահատությունից առաջ հանձնել որոշ թեստեր, ինչպիսիք են արյան հետազոտությունը և բազային մամոգրաֆիա։ Վիրահատությունից հետո անհրաժեշտ կլինի կանոնավոր մամոգրաֆիիկ հետազոտություն՝ կրծքագեղձի հյուսվածքի ցանկացած փոփոխություն ստուգելու համար:

Վիրահատությունը կատարվում է ընդհանուր անզգայացմամբ, ուստի խորհուրդ է տրվում կեսգիշերից հետո չուտել, չխմել, չծխել: Ասպիրինը (կամ ացետիլսալիցիլաթթու պարունակող ցանկացած այլ դեղամիջոց) արգելվում է միջամտությունից տասը օր առաջ։ Անհրաժեշտ է տեղեկացնել բժշկին, եթե առկա է դեղորայքային ալերգիա: Կարևոր է կազմակերպել, որ վիրահատությունից հետո տուն գնալիս վիրահատված բուժառուն մենակ չլինի: Ցանկալի է, որ ինչ-որ մեկը լինի նաև վերականգնման ժամանակահատվածում:

Պահանջվում է հիվանդանոցում լինել վիրահատությունից մեկ ժամ առաջ:

Բուժքույրերը չափում են արյան ճնշումը և պատրաստում վիրահատության: Կատարվում են վիրահատության նախնական լուսանկարները, գծանշումներից հետո վիրահատվող բուժառուն ուղեկցվում է վիրահատարան։

Անեսթեզիոլոգի կողմից իրականացվում է ընդհանուր անզգայացումը, որի ազդման պահին վիրաբույժը կտրում է կրծքավանդակը՝ ձգելու և ավելորդ մաշկը հեռացնելու համար: Կախված կրծքագեղձի կախվածության աստիճանից՝ բժիշկը կա՛մ կտրվածք է կատարում արեոլայի շուրջ, կա՛մ պտուկի՝ իջնող մինչև կրծքի տակի ծալք («ուղղահայաց»), կա՛մ կրծքի շուրջ արեոլայից դեպի կրծքի ծալքը՝ հետևելով այդ ծալքին («շրջված T» սպի):

Կտրվածքները փակվում են կարերով և կպչուն ժապավենով: Վիրահատության ավարտից հետո վիրահատված բուժառուն նախքան տուն վերադառնալը մի քանի ժամ վերահսկվում է վերականգնման սենյակում:

Սովորաբար պրոցեդուրայից հետո՝ հաջորդ օրը, մեր բուժքույրերի թիմի անդամը զանգահարում է վիրահատվածին՝ համոզվելու, որ ամեն ինչ կարգին է: Վիրահատվածը ունենում է տեղեկատվություն այն մասին, թե շաբաթվա ցանկացած օր և ցանկացած ժամի ինչպես կապ հաստատել կլինիկայի կամ բուժքույրական հերթապահ թիմի հետ, եթե վերականգնման ընթացքում որևէ մտահոգություն կամ անհանգստություն լինի: 

Հիվանդանոցից դուրս գրվելիս վիրահատվածը ստանում է հետվիրահատական ​​ցուցումներ, թե ինչ անել և ինչից խուսափել:

Վերականգման փուլում դեռ 1 ամիս պետք է կրել հատուկ ներքնազգեստ, 2-3 շաբաթով սահմանափակել ձեռքերի շարժունակությունը, 7-10 օր պառկել միայն մեջքի վրա: Իսկ սպորտով զբաղվելու կամ ֆիզիկական այլ ակտիվության մասին պետք է մոռանալ առաջիկա 2-3 ամիսների ընթացում:

Մամոպլաստիկայից հետո լիակատար վերականգնումը տեղի է ունենում 1,5-2 ամիսների ընթացքում: Վերը նշված գործոններից բացի, կան նաև մի շարք այլ ցուցումներ և արգելքներ, որոնց պացիենտը պետք է հետևի վիրաբույժի խորհրդով՝ վերականգման ընթացքի բարեհաջող անցկացման և բարդություններից խուսափելու համար:

Կարևոր է ակտիվ մնալ և անպայման կազմակերպել կանոնավոր կարճ զբոսանքներ, բայց չի կարելի շատ բան անել: Պետք է տարբեր գործերում, անհրաժեշտության դեպքում նաև երեխաների խնամքի հարցում օգնող մեկը: