Նախ՝ ցանկալի է վիրաբույժի հետ քննարկել այն պատճառները, թե ինչու եք ցանկանում կատարել լաբիոպլաստիկա, նաև ակնկալիքներն ու նպատակները, վիրահատության հետ կապված ռիսկերը: Դու կստանաս նաև հոգեբանական գնահատում՝ ներառյալ հարցեր ընկճախտի (դեպրեսիայի) և անհանգստության մասին:

Այնուհետև վիրաբույժը բացատրում է վիրահատության մանրամասները՝ ներառյալ, թե որտեղ են կատարվելու կտրվածքները և ինչ սպասել սեռական շուրթերի չափի ու ձևի փոփոխության հետ կապված:

Կարող ես կատարել նախավիրահատական որոշ ​​թեստեր՝ ներառյալ արյան անալիզ, մեզի անալիզ և կրծքավանդակի ռենտգեն: Տրվում են հրահանգներ այն մասին, թե ինչ հագնել միջամտության ժամանակ, երբ դադարեցնել ուտելն ու խմելը, երբ հարմարեցնել կամ ժամանակավորապես դադարեցնել որոշ դեղամիջոցների օգտագործումը և այլ տեղեկություններ, թե ինչպես պատրաստվել վիրահատությանը: Վերջինս խորհուրդ է տրվում իրականացնել դաշտանային ցիկլի ավարտից հետո։ 

Նախքան վիրահատությունը հարկավոր է գինեկոլոգիական խորհրդատվություն և բժշկի նշած մի շարք հետազոտություներ անցնել։ Վիրահատությունը սովորաբար կատարվում է տեղային կամ ընդհանուր անզգայացմամբ, ապահով է, անվնաս և արագ (30ր)։

Բժշկական կենտրոն հասնելուց հետո վիրահատության պատրաստվող բուժառուին տրամադրվում է վիրաբուժական հագուստ: Ստուգվում են ջերմությունը, զարկերակը, արյան ճնշումը, թթվածնի մակարդակը, շնչառության հաճախությունը: Հնարավոր է, որ անհրաժեշտ լինի նորից ստուգել արյունը և մեզը: Անհրաժեշտության դեպքում միզուղիների դրենաժային խողովակ է տեղադրվում միզածորանում:

Վիրահատությունը տևում է մոտ մեկ ժամ։ Այն կարող է իրականացվել որպես ամբուլատոր վիրահատություն կա՛մ տեղային, կա՛մ կարճատև ընդհանուր անզգայացմամբ։ Բժիշկն է որոշում, թե որ տեսակի անզգայացումն է տվյալ դեպքում լավագույնը վիրահատության պլանավորման փուլում:

Բժիշկն ընտրում է վիրահատության տեխնիկան՝ կախված նրանից, թե ինչպես  են վերաձևավորվում սեռական շուրթերը (մեծ շուրթեր և/կամ փոքր շուրթեր): Վիրահատական ​​միջամտության ավարտին տեղադրվում են ներծծվող կարեր, որոնք հեռացման կարիք չունեն։ Միջամտության ընթացքում բժիշկը չի ազդում նյարդային վերջավորությունների և արյան անոթների վրա, ուստի ինտիմ օրգանների զգայունության նվազեցման վտանգ չկա:

Լաբիոպլաստիկան ամբուլատոր պրոցեդուրա է, սովորաբար տևում է երկու ժամից պակաս:

Լաբիոպլաստիկայից հետո վերականգնումը համեմատաբար հեշտ է: Հիվանդները կարող են քայլել նույն օրը, սակայն պետք է ազատ հագուստ կրեն և հնարավորության դեպքում խուսափեն այդ հատվածին քսվելուց: Վիրահատված բուժառուների մեծ մասին վերականգնման համար անհրաժեշտ է մոտ 2-3 օր: Վերականգնման վաղ փուլերում հաճախ առաջանում է այտուց և քոր։ Այս ախտանշանները սովորաբար անցնում մեկ շաբաթվա ընթացքում: Վիրահատությունից հետո առաջին 18-24 ժամվա ընթացքում, ամենայն հավանականությամբ, որոշ թմրություն է զգացվում բուժվող հատվածում։

Վերականգնման շրջանում շատ կարևոր է պահպանել ինտիմ հատվածների պատշաճ հիգիենան։ Պետք է ամեն օր լվանալ և չորացնել ինտիմ հատվածները, ինչպես նաև կարերի շուրջը: Կարևոր է վիրահատությունից հետո վեց շաբաթ խուսափել սեռական հարաբերությունից կամ թամպոններից և զերծ մնալ ֆիզիկական վարժություններից՝ ներառյալ հեծանվավազք, ձիավարություն, մոտոցիկլետ և այլն: Քորի շարունակվելու դեպքում անհրաժեշտ է հնարավորինս շուտ դիմել բժշկին, քանի որ դա կարող է լինել բակտերիալ վարակի կամ ալերգիկ ռեակցիայի նշան:

Լաբիոպլաստիկայից հետո հաճախ հիվանդները չեն նկատում որևէ սպի կամ վիրահատության նշաններ: