Նախքան ազդրի բարձրացման վիրահատությունը պահանջվում է դադարեցնել արյունահոսությունը մեծացնող դեղամիջոցների ընդունումը: Դրանք ներառում են ասպիրին, սննդային որոշակի հավելումներ և հակաբորբոքային դեղամիջոցներ, ինչպիսին է իբուպրոֆենը: Վիրաբույժը կարող է պահանջել նաև ֆիզիկական հետազոտություն՝ համոզվելու համար, որ դու կարող ես հավակնել այս վիրահատության:

Միջին հաշվով վիրահատության ողջ ընթացքը տևում է 2 ժամ: Քանի որ  նախավիրահատական և հետվիրահատական ​​նախապատրաստությունների համար լրացուցիչ ժամեր կպահանջվեն,  պետք է ակնկալել, որ ամբողջ գործընթացը կտևի օրվա մեծ մասը:

Անհրաժեշտ է նաև ծրագրել, որ ինչ-որ մեկը ուղեկցի բուժառուին, գիշերի նրա մոտ, եթե բարդություններ առաջանան:

 Ազդրերի բարձրացման վիրահատությունը կատարվում է ընդհանուր անզգայացմամբ:

Ազդրի ստանդարտ բարձրացման կտրվածքն անցնում է աճուկի ծալքից մինչև գլյուտալային ծալք: Այնուհետև չամրացված մաշկը ձգվում է մինչև աճուկ, իսկ ավելորդ մաշկը կտրվում է:

Եթե ազդրի մաշկը չափազանց թուլացած է, ապա հարկավոր է լրացուցիչ ուղղահայաց կտրվածք անել ազդրի ներքին մասում:

Ըստ էության, կտրվածքների երկարությունը և ձևը կախված են նրանից, թե որքան մաշկ պետք է հեռացվի ազդրերից: Եթե ​​ունես ավելցուկային ճարպ, կարող է լիպոսակցիա անելու անհրաժեշտություն առաջանալ:

Կտրվածքները սովորաբար փակվում են      ներծծվող կարերով:

Յուրաքանչյուր ազդրից կարող է դրենաժային փոքր խողովակ դուրս գալ՝ հեռացնելու անցանկալի հեղուկը: Դրենաժային այս խողովակները սովորաբար հեռացվում են հաջորդ օրը:

Վիրակապերը և դրենաժային խողովակները հեռացնելուց հետո՝ հաջորդ  6 շաբաթվա ընթացքում, պետք է կրել կոմպրեսիոն հագուստ՝ ավելի արագ ապաքինվելու և վերջնական ավելի լավ արդյունքի հասնելու:

Ազդրի բարձրացման արդյունքը նկատելի է լինում վիրահատությունից անմիջապես հետո, սակայն պետք է հիշել, որ ազդրի հյուսվածքները դեռ այտուցված կլինեն, և ևս 3-4 շաբաթ կպահանջվի, որպեսզի այտուցի մեծ մասը իջնի:

Եթե ազդրի բարձրացումը սովորականից ավելի ծավալուն էր, դուք կարող եք հիվանդանոցում մնալ 1 կամ 2 գիշեր: Այնուամենայնիվ, երբ կարողանաք ազատ քայլել, կարող եք տուն վերադառնալ:

Անհրաժեշտ է նախապես ծրագրել վիրահատությունը, որպեսզի քեզ կարողանան օգնել, երբ տուն վերադառնաս, և մինչև կարողանաս հարմարավետորեն իրականացնել քո ամենօրյա գործունեությունը առանց օգնության:

Գործընթացից հետո մի քանի օր կարող է ցավ, կապտուկ և այտուց զգացվել: Անմիջապես նկատվում է, թե ինչպես է բարելավվել ազդրերի ուրվագիծը։ 

Պետք է հնարավորինս բարձր պահեք ոտքերը, որպիսի թեթևանան կտրվածքների լարվածությունը: Վիրահատությունից մի քանի օր անց կարող եք դուրս գալ քայլելու:

Ազդրի վերելքի վիրահատությունից հետո վերականգնվելու համար սովորաբար մի քանի շաբաթ է պահանջվում, այնպես որ պետք է համապատասխանաբար ծրագրել աշխատանքային գրաֆիկը: Պետք է ձեռնպահ մնալ ծանրաբեռնվածությունից և ծանր վարժություններից և շարունակլ կրել կոմպրեսիոն հագուստ 6 շաբաթ:

Ազդրի բարձրացման արդյունքները սովորաբար երկարատև են: Այնուամենայնիվ, պետք է հիշել, որ տարիքի հետ մաշկը բնականաբար կորցնում է ամրությունը, և մաշկի որոշ թուլություն կարող է վերադառնալ, բայց ոչ այն չափով, որը եղել է մինչև ազդրի բարձրացումը: